呢間公司入面，有邊個菇冇試過大頭蝦喎。。。
柒到核爆嘅事一次又一次咁發生喺豆腐身上，但最詭異嘅就係再一次喺呢個機場發生。
三年前，豆腐喺落機嘅時候，掛住幫個客然後無啦啦擺低本護照喺CrewSeat上面，去到海關先發現，不過慶幸老總直情拎錯人地個喼，令豆腐核爆威力大大降低；
三年後，因為不停大大力恥笑個客唔知係賴屎定嘔(我知我仆街所以有報應)，兼且趕住仆出去用Wifi，今次我拎左個喼但漏低左個Coat Hanger，雖然入面有一個得廿蚊港紙嘅銀包，本來就算第二朝上機先拎返我都唔係好Care，但最大鑊係。。。第二朝唔係用同一部飛機 🙈🙈🙈
豆腐成日都覺得自己好幸運，因為一次又一次喺爆鑊嘅時候，得到好好嘅菇幫手，好多謝大家陪我一齊等，好多謝大家冇怨言，好多謝靚女老總比左半個抱抱安撫我，好多謝呀姐幫我打電話比機場經理
Y3呀哥,哈囉 👋🏼👋🏼👋🏼
Search